गोरखा । गोरखा बजार क्षेत्रको व्यापार व्यवसायलाई व्यवस्थित गर्न बनेको बहुउदेश्यीय भवन रित्तै छ । 
नगर बिकास कोष काठमाण्डौको साझेदारीमा गोरखा नगरपालिकाले व्यापारिक प्रयोजनका लागी २०७६ साल मंसिर २ गते सिनर्जी क्रिश्चल सचेत जेभीसँग सम्झौता गरेर भवन निर्माणको काम शुरु गरिएको हो । करिव साढेँ पाँच करोड लागतमा निर्माण भएको उक्त भवनमा ३६ सटर छन् । अहिलेको अबस्थामा ३६ सटर मध्य १० सटर भने प्रयोगमा आएको छ । ती प्रयोगमा आएको सटरहरुमा अहिले चटपट पसल बढी देखिन्छ । 
सटर भाडामा लगाउने र राजश्व वृद्धि गर्ने उदेश्यले भवन निर्माण गरिएपनि भवनका अधिकांश सटर खाली छन् ।
मासिक तीन लाख ३२ हजार तिर्ने गरी अन्जन खत्रीले भवनको जिम्मा लिएका हुन् । उनी र नगरपालिका बिच तीन बर्षका लागी सम्झौता भएको छ । गत पुष २१ गते सम्झौता भएर फागुन १ गतेबाट सटर भाडाका लागी खुल्ला गरिए थियो ।
