मङ्गलवार लाग्ने वर्षको दोस्रो चन्द्रग्रहण नेपालबाट पनि देखिने जानकारहरूले बताएका छन्।
नेपालसहित एशियाको अधिकांश स्थानबाट मङ्गलवारको चन्द्रग्रहण देखिने छ। त्यस्तै अस्ट्रेलिया, युरोप र उत्तर अमेरिकाबाट पनि यसलाई हेर्न सकिनेछ ।
नेपाली समय अनुसार दिउँसो १:४७ बजेदेखि नै पृथ्वीको छाया चन्द्रमामा पर्न थाल्ने जानकारहरू बताउँछन्। यद्यपि, नेपालमा साँझ ५:११ मा चन्द्रोदय हुन्छ। त्यसको केही मिनेटपछि अर्थात् ५:२६ पछि नेपालमा चन्द्रग्रहण दर्शनीय हुने भनिएको छ।
जानकारहरूका अनुसार साँझ ६:३४ बजे चन्द्रग्रहणको अन्त्य हुनेछ।
