गोरखामा श्रीमती हुँदा हुँदै दोस्रो विवाह गरेको आरोपमा प्रहरीले एक दम्पतीलाई विहिबार पक्राउ गरेको छ ।
भिमसेन थापा गाँउपालिका वडा नं. २ का २४ बर्षीय ठाकुर सुनारले वडा नं. ४ घोप्टे चौतारा बस्ने १९ बर्षकी प्रतिमा सुर्खेती सँग विवाह गरेको जाहेरीका आधारमा उनीहरु दुवैलाई पक्राउ गरिएको जिल्ला प्रहरी कार्यालय गोरखाका एसपी अनुपम श्रेष्ठले बताए ।
एसपी श्रेष्ठका अनुसार सुनारकी श्रीमतीले जिल्ला प्रहरी कार्यालय गोरखामा जाहेरी दरखास्त दिएपछि उनीहरुलाई पक्राउ गरिएको हो ।
त्यस्तै उनीहरु विरुद्ध बहु बिवाह कसूर शीर्षकमा मुद्दा दर्ता गरी आज जिल्ला जिल्ला अदालत गोरखाबाट हिरासतमा राखी अनुसन्धान गर्न म्याद थप गरिएको जिल्ला प्रहरी कार्यालय गोरखाले जनाएको छ ।
