गोरखामा जबरजस्ती करणी गरेको आरोपमा पालुङटार नगरपालिका वडा नं. २ क्योरेनी कोलहालेका टेक बहादुर राना पक्राउ परेको छ ।
उनी माथी गत १३ गते बुधबारको दिन सोही स्थानकी १६ वर्षीय नाबालिक माथी करणी गरेको आरोप छ । करणी गरेको भन्ने जाहेरी दरखास्त भएपछि विहीबार रानालाई प्रकाउ गरिएको जिल्ला प्रहरी कार्यालय गोरखाले जनाएको छ ।
उनी विरुद्ध शुक्रबार जबरजस्ती करणी कसूर शीर्षकमा मुद्दा दर्ता गरी जिल्ला अदालत गोरखाबाट हिरासतमा राखी अनुसन्धान गर्न म्याद थप गरिएको गोरखाका एसपी अनुपम श्रेष्ठले बताए । घटनाबारे थप अनुसन्धान थालिएको जिल्ला प्रहरी कार्यालय गोरखाले जनाएको छ ।
