प्रतीक्षा आले
असार २९, बर्खा लागे सँगै बेनिघाट आरुघाट लार्के सडकको विभिन्न खण्डमा पहिरो खसेर सडक अबरुद्ध भएको छ ।
धार्चे गाउँपालिकाको केन्द्र माछाखोलासम्म जसोतसो जिप पुगेपनि अन्य सडक भने अबरुद्ध भएको पालिकाका अध्यक्ष लक्ष्मण गुरुङले बताउनुभयो । उहाँका अनुसार बर्खाका कारण पालिककाको अधिकांश खण्डमा पहिरो खसेर सडक अबरुद्ध बनेको छ । जसकारण आवतजावतमा समस्या परेको छ । “सडक अबरुद्ध भएकाले उपचार गराउन जान बिरामीलाई समस्या परेको छ”, उहाँल भन्नुभयो, “गम्भिर बिरामी भएको अवस्थामा सबै लागी परेर सदरमुकामसम्म पुर्याउने व्यवस्था मिलाएका छौँ । ” पालिका कार्यालयले माछाखोलासम्म पुग्ने सडक भने नियमित मर्मत गर्दै आएको छ । पहिरो पन्छाउने मेसिन् पालिकासँग उपलब्ध नभएकाले भाडामा मेसिन चलाउँदै आएको गुरुङले बताउनुभयो । बर्खायामभरि सडक अबरुद्ध भएतापनि पालिकासँग पर्याप्त खाद्य सामग्री रहेको गुरुङले जानकारी दिनुभयो ।
यस्तै पहिरोका कारण उतरी गोरखाको चुमनुब्री गाउँपालिका जाने सडक अबरुद्ध बनेको छ । ५ दिनदेखि पहिरोका कारण उक्त खण्ड अबरुद्ध बनेको हो । यारु, कालो भिर, खोला बेसि लगाएतका मुख्य खण्डमा पहिरो जानाले आवतजावतमा समस्या रहेको स्थानिय गणेश कार्कीले बताउनुभयो ।
