भदौ ६ । काठमाडौंबाट पोखरा जाँदै गरेको बस पृथ्वी राजमार्ग अन्तर्गत धादिङको गजुरी गाउँपालिका-१ स्थित चालिसेमा दुर्घटना भई त्रिशूली नदिमा खस्दा ६ जनाको मृत्यु भएको छ ।
जिल्ला प्रहरी कार्यालय धादिङका अनुसार दुर्घटना बारे थप विवरण आउन बाँकी छ ।
जिल्ला प्रहरी कार्यालय धादिङका प्रवक्ता डीएसपी सत्नु जैसवारका अनुसार काठमाडौंबाट पोखरा जाँदै गरेको प्रदेश ३–०१–००५ ख ९९५२ नम्बरको बस बिहान ११ः १० बजे दुर्घटनामा परेको हो ।
दुर्घटनास्थलमा अहिले उद्धारका लागि सुरक्षाकर्मी परिचालन गरिएको प्रहरीले जनाएको छ। बस त्रिशुली नदिमा डुबेको अवस्थामा रहेको र उद्धारको प्रयास भइरहेको प्रहरीले जनाएको छ। बसमा रहेका यात्रुकाे संख्या एकिन हुन सकेकाे छैन। दुर्घटना बारे थप विवरण आउन बाँकी छ।
