गोरखा। गोरखाको पालुङटार न.पा. वडा नम्बर ७ माझगाउँकी ३६ वर्षीय एक जना महिलाले आफ्नै श्रीमानविरुद्ध जबरजस्ती करणी मुद्दा दर्ता गराएकी छन् ।
श्रीमान र श्रीमतीको नाम भने प्रहरीले सार्वजनिक गरेको छैन् ।
श्रीमानले आफू गर्भवती अवस्थामा रहेको अवस्थामा इच्छा विपरित धाक–धम्की दिई, गाली गलौज तथा कुटपिट समेत गरी यौन सम्पर्क गरेको ती महिलाले बताएको प्रहरीले जनाएको छ ।
बैबाहिक सम्बन्ध कायम रहेको अवस्थामा श्रीमानले श्रीमतीलाई जबरजस्ती करणी गरेमा ५ वर्षसम्म कैद हुने मुलुकी अपराध संहिता ऐन २०७४ मा उल्लेख गरिएको छ ।
श्रीमान विरुद्ध बैबाहिक जवरजस्ती करणी कसूर शिर्षकमा मुद्दा दर्ता गरी जिल्ला अदालत गोरखाबाट हिरासतमा राखि अनुसन्धान गर्न म्याद थप अनुमती लिई घटनाको थप अनुसन्धान कार्य भई रहेको जिल्ला प्रहरी कार्यालय गोरखाले जनाएको छ ।
