गोरखा ।
गोरखा जिल्लाको शहिदलखन गाउँपालिका–३ बस्ने ३४ वर्षीय एक पुरुषलाई आफ्नै छोरी र भान्जीलाई जबरजस्ती करणी गर्ने प्रयास गरेको आरोपमा प्रहरीले पक्राउ गरेको छ।
प्रहरीका अनुसार भदौ ४ गते साँझ, सो व्यक्तिले आफ्नै १३ वर्षीया छोरी र १५ वर्षीया भान्जीमाथि करणी गर्ने प्रयास गरेको घटनाबारे पीडित पक्षका आफन्तमार्फत उजुरी दर्ता भएको थियो।
उक्त उजुरीका आधारमा प्रहरीले आरोपीलाई नियन्त्रणमा लिएर गोरखा जिल्ला अदालतमार्फत सात दिनको म्याद थप गरी आवश्यक अनुसन्धान अघि बढाइरहेको जनाएको छ।
प्रहरीले बालबालिकामाथि हुने यस्ता संवेदनशील अपराधप्रति शून्य सहनशीलता अपनाइने भन्दै कानूनी प्रक्रियाअनुसार कठोर कारबाही हुने स्पष्ट पारेको छ।
