गोरखा । पालुङटार नगरपालिका–४ कुमाल गाउँकी ४५ वर्षीया धनमाया थापा धान खेतमा मृत अवस्थामा फेला परेकी छन्।
जिल्ला प्रहरी कार्यालय गोरखाका प्रहरी नायब उपरीक्षक एवं सूचना अधिकारी इन्द्र प्रसाद सुवेदीका अनुसार सोमबार बिहान ९ बजे स्थानिय गोबिन्द पाण्डेको अधियाँमा रहेको खेतको आलिमा उनको शव भेटिएको हो।
आइतबार दिउँसो ३ बजे धान गोड्न खेतमा गएकी थापा राति घर नफर्केपछि आफन्तले खोजतलास गर्ने क्रममा मृत अवस्थामा देखेपछि प्रहरीले खबर गरिएको जनाइएको छ।
पोष्टमार्टमपछि शव आफन्तलाई बुझाइएको र घटनाबारे थप अनुसन्धान भइरहेको प्रहरीले जनाएको छ।
