गोरखा । यही बैशाख ११ गतेदेखि गोरखामा खुल्ला ठाडो भाका प्रतियोगिता आयोजना हुने भएको छ। ठाडो भाका संरक्षण तथा सम्बर्द्धन समिति गोरखाको आयोजनामा हुन लागेको प्रतियोगितामा विभिन्न समूहहरूको सहभागिता रहने अपेक्षा गरिएको छ।
प्रतियोगितामा उत्कृष्ट प्रदर्शन गर्ने समूहलाई आकर्षक नगद पुरस्कारको व्यवस्था गरिएको छ। जसअनुसार पहिलो हुने टिमले ८० हजार, दोस्रोले ५० हजार, तेस्रोले ३० हजार र सान्त्वना हुने टिमले १० हजार रुपैयाँ प्राप्त गर्नेछन्।
स्थानीय कला, संस्कृति र परम्परागत लोक भाकाको संरक्षण तथा प्रवर्द्धन गर्ने उद्देश्यले प्रतियोगिता आयोजना गरिएको समितिले जनाएको छ। साथै, यसले नयाँ पुस्तामा ठाडो भाकाप्रति रुचि बढाउने विश्वास लिइएको छ।
