गोरखा । गोरखामा डाँका तथा ज्यान मार्ने उद्योग मुद्दामा तीन वर्षदेखि फरार रहेका एक प्रतिवादी पक्राउ परेका छन्।
जिल्ला प्रहरी कार्यालय गोरखाका अनुसार बारपाक सुलिकोट गाउँपालिका–६ मैलुङकी ७४ वर्षीया तिलकुमारी देवकोटा भान्साकोठामा रहेको अवस्थामा २०८० जेठ ८ गते राति ९ः४५ बजे राजन दर्जीसहितका व्यक्तिले धनमाल तथा गरगहना चोरी गर्ने र लुट्ने उद्देश्यले उनको आँखा र मुख छोपेर घाँटीमा धारिलो हतियार प्रहार गरी घाइते बनाएका थिए।
घटनामा संलग्न व्यक्तिहरूमाथि ज्यान मार्ने उद्योग र डाँका उद्योग मुद्दा चलाइएको थियो। सोही घटनामा फरार रहेका बारपाक सुलिकोट गाउँपालिका–४ आमडाँडा निवासी बुढा लालबहादुर दर्जी र आमाहिमाया दम्फेको छोरा २७ वर्षीय राजन दर्जीलाई प्रहरीले २०८३ साउन २८ गते पक्राउ गरेको हो।
पक्राउ परेका दर्जीलाई आवश्यक कानुनी कारबाहीका लागि गोरखा जिल्ला अदालतमा पेश गरिएको जिल्ला प्रहरी कार्यालय गोरखाले जनाएको छ।
