काठमाडौं। म्याकुरीको नामले परिचित हास्य कलाकार पवन खतिवडा मोरङको बेलबारीबाट पक्राउ परेका छन्। मादक पदार्थ सेवन गरी झगडा गरेको आरोपमा इलाका प्रहरी कार्यालय बेलबारीले उनीसहित २ जनालाई नियन्त्रणमा लिएको हो।
मंगलबार राति बेलबारी १ मा रहेको एक होटलमा मादक पदार्थ सेवन गरी सँगै मादक पदार्थ सेवन गरेका बेलबारी ४ का एक युवालाई टाउकोमा प्रहार गरी टाउको फुटाईदिएका थिए।
होटलबाट बाहिर निस्किएर झगडा गरेको प्रहरीलाई स्थानीयले खबर गरेपछि उनीहरूलाई नियन्त्रणमा लिइएको इलाका प्रहरी कार्यालय बेलबारीका इन्स्पेक्टर खगेन्द्र धमलाले नेपाल भ्यूजलाई जानकारी दिएका छन्।
पीडित पक्ष चौकी आएर सहमति नगरेसम्म खतिवडा प्रहरी हिरासतमा हुने जनाइएको छ।
