गोरखा । शहिद लखन गाउँपालिका वडा नं. ७ बुंकोटमा रहेको बुंकोट स्वस्थ्य चौकिलाई स्वास्थ्य सामग्री वितरण गरिएको छ । नेपाल सरकार स्वस्थ्य मन्त्रालय, स्वस्थ्य विभागबाट प्राप्त स्वस्थ्य सामाग्री बुङकोट स्वास्थ्य चौकीलाई विहिबार हस्तान्तरण गरिएको हो ।
गोरखा क्षेत्र नं १ का प्रतिनिधि सभाका सदस्य राजेन्द्र बजगाईको विशेष पहलमा प्राप्त भएको स्वास्थ्य सामग्री स्वास्थ्य चौकी प्रमुखलाई हस्तान्तरण गरिएको हो ।
चौकीलाई प्राप्त भएका स्वास्थ्य सामग्रीहरुमा ५ पिस अक्सिजन कन्सन्टेटर, एक हजार पिस प्यारासिटामोल, आठ हजार पिस सर्जिकल मास्क, १५ सय पिस ग्लोब्स लुज, ५ पिस थर्ममिटर, ५ पिस पल्स अक्सिमिटर चेक, दुई हजार पिस एननाइटी फाइब मास्क र एक पिस ब्लट सेल काउन्टर सामग्री प्राप्त भएको वडा अध्यक्ष शरण श्रेष्ठले बताए । त्यस्तै, एक पिस आउन्टीङ चेम्बर, एक पाकेट ब्लट ग्रोपिङ ग्लास प्लेट, दुई पिस टेस्ट टुप स्टान्ड, चार थान ठुलो खाले डस्बिन, दुई थान स्टेचर, दुई थान खानेपानीको लागी–फिल्टर, एक वटा अटोकेलेप(ड्रेसिङको सामाग्री पकाऊने भाडा), पिपिटी चार पिस हस्तान्तरण गरिएको उनले जानकारी दिए ।
स्वास्थ्य सामग्री हस्तान्तरण कार्यक्रममा प्रमुख जिल्ला अधिकारी दिनेश सागर भुसाल, सहिद लखन गाउँपालिका प्रमुख रमेश बाबू थापा, उपप्रमुख इन्दिरा तिवारी वडा नं ७ का वडा अध्यक्ष शरण श्रेष्ठ, नेपाली कांग्रेस जिल्ला कार्यबाहक सभापती इमानसिंह बस्नेत, जिल्ला सचिव कृष्ण आले,कमला लामिछाने वडाका जनप्रतिनिधि स्थानीयहरुको उपस्थिति रहेको थियो ।
स्वास्थ्य चौकीमा गएको जेठ ७ गतेका विद्युत सर्ट भइ आगलागी भएको थियो । आगलागीबाट स्वास्थ्य चौकी भवनका दोस्रो तल्लाको स्टोर कक्षमा रहेको स्वास्थ्य सामग्री, उपकरण, कागजपत्र लगायतका सबै जलेर पुर्णरुपमा नष्ट भएको थियो ।
