फागुन ३०, २०८०
गोरखा । गोरखाको आरुघाट गाउँपालिका वडा नं.८ स्थित रातमाटेमा मानसिक अवस्था कमजोर भएकी युवतीलाई जवरजस्ती करणी गरेको आरोपमा प्रहरीले एक जनालाई पक्राउ गरेको छ ।
मंगलबार दिउँसो ३२ वर्षीय युवतीलाई करणी गरेको आरोपमा प्रहरीले आरुघाट गाउँपालिका-८ रातमाटेका ४० वर्षीय चित्र बहादुर थापालाई पक्राउ गरेको हो ।
मानसिक अवस्था ठीक नभएकी ३२ वर्षीया युवतीलाई थापाले बलात्कार गरेको पीडितको आमाको आरोप छ ।
गोरखा प्रहरीका डीएसपी रमेश कुमार श्रेष्ठका अनुसार घटना मंगलबार दिउँसो करिब १ बजेतिरको हो ।
युवतीलाई जबरजस्ती करणी गरेको घटनामा पीडितको आमा मार्फत जाहेरी दरखास्त आएपछि उनलाई पक्राउ गरेर जिल्ला अदालत गोरखाबाट हिरासतमा राखी अनुसन्धान गर्न म्याद थप अनुमती समेत लिई अनुसन्धान थालेको डीएसपी श्रेष्ठले बताए ।
