गोरखामा कालो सिसा हटाउने अभियान : २४ सवारीसाधनबाट कालो सिसा र स्टिकर हटाइयो

समाचार

गोरखा प्रहरीले सवारीसाधनमा जडान गरिएको कालो सिसा र कालो स्टिकर हटाउने अभियान सञ्चालन गर्दै २४ वटा सवारीसाधनबाट कालो सिसा र कालो स्टिकर हटाएको छ।


जिल्ला प्रहरी कार्यालय गोरखा र जिल्ला ट्राफिक प्रहरी कार्यालय गोरखाको संयुक्त टोलीले जिल्लाका विभिन्न स्थानमा चेकजाँचका क्रममा ६ वटा ट्याक्सी, २ वटा मिनीट्रक र १६ वटा कार गरी कुल २४ वटा सवारीसाधनबाट कालो सिसा र स्टिकर हटाएको हो।


प्रहरीका अनुसार कालो सिसा तथा स्टिकरको प्रयोगले आपराधिक गतिविधि, अवैध कारोबार, फरार अपराधीको आवागमन, हतियार ओसारपसार तथा शंकास्पद व्यक्तिको पहिचानमा कठिनाइ हुने भएकाले कानुनी व्यवस्था प्रभावकारी बनाउन अभियान सञ्चालन गरिएको हो।

Leave a Reply

Your email address will not be published. Required fields are marked *