मनास्लुमा आएको हिमपहिरोमा परी २ जना को मृत्यु र १३ जना को सफल उद्धार भएको छ ।
अमेरिकाकी चर्चित स्की पर्वतारोही हिलारी नेल्सन गोरखाको मनास्लु हिमालमा मृत फेला परेकी छन्। भने सोमबार नै मनास्लुमा आएको हिमपहिरोमा परी एक जनाको आरोहण सहयोगी अनुप राईको मृत्यु भएको थियो।
गत सोमबार बिहान उनी आफ्ना साथीसँग मनास्लुको चुचुरोमा पुगेकी थिइन्। स्की गरेर फर्किने बेलामा उनी खोंचमा खसेर हराएकी थिइन्। ४९ वर्षीया नेल्सन २ हजार फिट गहिरो खोंचमा परेकी थिइन्।
मनास्लुको तेस्रो शिविरबाट चौथो शिविर जाँदै गर्दा हिम पहिरोमा पुरिएका आरोहीका १३ जना सहयोगीहरुको भने मंगलबार बिहान उद्धार गरिएको जिल्ला प्रहरी कार्यालय गोरखाले जनाएको छ ।
