बिराज त्रिपाठी
गोरखा । भिमसेनथापा गाउँपालिकामा सार्वजनिक पद धारण गरेका व्यक्तिले आफ्ना बालबालिकालाई सामुदायिक विद्यालयमा पढाउनु पर्ने नियम लागु भएको छ ।
गाउँपालिका भित्र रहेका सामुदायिक विद्यालयहरुलाई थप व्यवस्थित तथा प्रभावकारी बनाई गुणस्तरीय शिक्षा सुनिश्चता गर्न सहयोग पुर्याउने उद्देश्यले उक्त निर्णय गरीएको भिमसेनथापा गाउँपालिकाका प्रशासकीय अधिकृत चित्र बहादुर अधिकारीले जानकारी दिनु भयो ।
उक्त निर्णय २०८० बैशाख २८ गते भिमसेनथापा गाउँपालिका, गाउँ कार्यपालिकाबाट निर्णय भएको हँदा गाउँपालिकाले र्सूचना प्रकाशित गर्दै सम्बन्धित सार्बजनिक पद धारण गरेको व्यक्तिहरुलाई आफ्ना बाल–बालिकाहरुलाई भर्ना गराई सोको जानकारी शिक्षा युवा तथा खेलकुद शाखा, घ्याम्पेशाल गोरखामा जानकारी दिनुपर्ने समेत जनाएको छ ।
