गोरखा ।
गोरखा जेसिजले आफ्नो ४४ औं स्थापना दिवस विशेष कार्यक्रमसहित मनाएको छ। जेसिज वर्ष २०२५ का अध्यक्ष जेसि सुमन गुरुङको अध्यक्षतामा सम्पन्न कार्यक्रममा वर्ष १९९४ का अध्यक्ष डिलबहादुर बस्नेत प्रमुख अतिथिका रूपमा सहभागी थिए।
स्थापना दिवसको अवसरमा गोरखा नगरपालिका–६, पाटेचौरस्थित श्री शक्ति माध्यमिक विद्यालयलाई आवश्यकता अनुसार घाँस काट्ने मेसिन हस्तान्तरण गरिएको थियो। साथै, केक काट्दै शुभकामना आदानप्रदान कार्यक्रमसमेत आयोजना गरिएको थियो।
उक्त कार्यक्रममा गोरखा जेसिजका पूर्वअध्यक्षहरू, मानार्थ सदस्यहरू तथा वर्ष २०२५ को कार्यसमितिका पदाधिकारीहरूको उल्लेखनीय उपस्थिति रहेको थियो। कार्यक्रममा सहभागीहरूले जेसिजको भूमिकाबारे चर्चा गर्दै संस्थाको निरन्तर योगदानप्रति प्रशंसा व्यक्त गरेका थिए।
