गोरखा । गोरखा सदरमुकाममा गुडिरहेको मोटरसाइकलमा शुक्रबार दिउँसो अचानक आगलागी भएको छ।
गोरखा नगरपालिका–८ को खोलखोले क्षेत्रमा बा. ९९ प १९९७ नम्बरको एनएस २०० पल्सर मोटरसाइकलमा आगलागी भएको जिल्ला ट्राफिक प्रहरी कार्यालयले जानकारी दिएको हो। गोरखा बजारबाट ठिगुरेश्वरातर्फ जाँदै गरेको मोटरसाइकलमा सवार हितेष श्रेष्ठ सुरक्षित रहेका छन्।
आगलागी सुरु भएपछि नजिकैका स्थानीयवासी र व्यवसायीले तत्काल आगो निभाउने सिलिन्डर प्रयोग गरी आगो नियन्त्रणमा लिएका थिए। प्रहरीले मोटरसाइकलमा आगलागी हुनाका कारणबारे अनुसन्धान भइरहेको जनाएको छ।
आगलागीका कारण मोटरसाइकलमा क्षति पुगेको भए पनि मानवीय क्षति नभएको प्रहरीको प्रारम्भिक निष्कर्ष छ।
