गोरखा । गोरखा प्रहरीले अवैध बन्दुकसहित एक पुरुषलाई पक्राउ गरेको छ। पक्राउ पर्नेमा पालुङटार नगरपालिका–३ आँपपिपल, मैबलका ६३ वर्षीय रामबहादुर राना मगर रहेका छन्।
जिल्ला प्रहरी कार्यालय गोरखाका सूचना अधिकारी तथा प्रहरी नायब उपरीक्षक इन्द्र प्रसाद सुवेदीका अनुसार रानामगरको घर तलासी गर्दा दुई थान नाले भरुवा बन्दुक, बारूद र फलामका चार थान गज बरामद गरिएको हो।
इलाका प्रहरी कार्यालय ठाँटीपोखरीबाट खटिएको टोलीले मंगलबार राति उनलाई नियन्त्रणमा लिएको हो। प्रहरीले पक्राउ परेका रानामगरविरुद्ध आवश्यक अनुसन्धान सुरु गरेको जनाएको छ।
